هناك الامس . . . والليله بفارقها
واقابل يوم مايفرق عن اللي مار
واسافر في طرق ما ودي اطرقها
و همس لي التعب . . الاسفار
لأمة كادحة بس ما يضايقها
سعر غاز وسعر بنزين او ايجار
قبل كانت تعشى من بنادقها
و فالحاضر عشاها رحمة التجار
ما غير الطير وقت الفجر يسبقها
ورد الطير لكن ما ارجعت للدار
عواتق ناس شيلت فوق عاتقها
وبسمتها بقد الهم والاصرار
لها منا سلام احرار يفرقها
عن قلوب العبيد اللي بصدر احرار
لنا احلام و على احلامٍ نعلقها
هي احلام ويراها الوقت باستحقار
ولا تضر الزقاره يوم نشهقها
ترى حنا اللي نسبب لها الاضرار
بدون اي ذنب نشريها ونحرقها
من البادي وشب بمن يحب النار
نهاب من السما في ضحك بارقها
ونضحك لا بكت وانهلت الامطار
وسفن الاحلام بحر الحظ غرقها
نحسب امثال لكنه طلع غدار
ولو ما نخطي الاعذار نخلقها
كأن الله خلقنا لجل خلق اعذار
وتموت الامنيه لما نحققها
بفضل الله امانينا طوال اعمار
بشر وتظن غير الله رازقها
علام العالم اصبح ربهم دينار
والانسانيه الانسان يسرقها
من الانسان ويسولف عن الاخيار
أعز الناس بالدنيا . . منافقها
واذل الخلق طيب قال يا ستار
يا دنيا نعيش والاذان لك صقها
ذبحنا العوز لكن ما نجيب العار
لنا روسٍ عظيمه ما ندنقها
ترانا كبار يا دنيا ترانا كبار