افا والفين افا بسنيني تروحين
وانا اللي معتبرك الروح لسنيني
مطيح الرجل ورّث طعنة السكين
وانا واقف لك و كثرت سكاكيني
بوجهك نور الايمان وطهر آمين
معك ربي مثبتني على ديني
عدا الحاجب ، ، اشوفه سيف ذو حدين
وعلى الحدين تتراقص شياطيني
واذا ملتي يميل القلب وتصيرين
غصن زيتون في روضة فلسطيني
طفولتك إتحرا عنها تقفين
وانا اللي تقول لي اقبل : ثلاثيني
عطيت مْن اهتمامي فوق ماترجين
ياليت انصاف ما أعطي عطيتيني
لأنك عين حطيتك بمحجر عين
ولأنك قلب عانقت بشراييني
شبٓهك بنيّتي رزّك وسط ضلعين
وانا ما اشبه نواياك و نويتيني
اخبرك بعد احبك دايم تقولين:
تراك آخر حبييبٍ راح يغويني
واذا كنت النهاية فهميني زين
تعديني نهاية واتعديني
تريني من طرف عينك وانا للحين
عجزت اقسى لأنك من طرف عيني
طيوفك مد شوفي فوق الارض منين
احصل قاع فيها ماتمريني
بجوفك راح اضل لحد يوم الدين
المْ ، ، ، لا جابني بالك تحسيني
غيابك موت خلي موتتي بعدين
تعالي ودي اعلمك وش فيني
ثمرت عتاب ، ودك منه تذوقين؟
اذا ودك بكيف الحال هزيني