للنفس طاقه والمشاعر لها حدود
وانا معك بذلت جهدٍ اضافي
اجود ومن مثلي كريم وولد جود
لكن قلوب الناس فيها اختلافي
احدٍ فرش دربه لرجليني ورود
واحدٍ سفى من فوق دربه سوافي
وانت الذي من دونك سياج وسدود
حاولت في وصلك بشكل احترافي
ازود في مدة يديني ولا تزود
واشب قنديل الوصل وانت غافي
كل ماطريت اقول لايامي السود
خفّي علي اللي حصل منه كافي
اشتاق لك واليوم لاشواقي قيود
ماهو بمثل اول تعدى المرافي
بروح ولا ترجي مراسيل ووعود
عواقب وصالك تحكم انصرافي
للنفس طاقه والمشاعر لها حدود
لكن عشانك جبت جهدٍ اضافي