صباح الخير يا وجهٍ ذكرته مع طلوع النور
وش احلى من طلوع النور لامن جاب لك ذكرى
صباح الخير يا قلبٍ جفاني مجبر ومكسور
جروحه من عذاب البعد تبطي فيه ما تبرى
صباح الخير يا أعذب قصيدة من غلا وشعور
بدونك ماعرفت أكتب قصيد ولا نويت أقرى
أنا وشلون أبنسى والغلا في داخلي منثور
تسيّلت بوريدي لين أصبح للغلا مجرى
ذكرتك والمشاعر لا ذكرتك في هواك تثور
عليك القلب يتصدد عن الذكرى إلين أزرى
هقيت إن المواصل لو يطوّل بعدنا مقدور
ونزلت بواديٍ مسراه لا صاحب ولا قمرى
عزاي إنك رحلت ولا رضيت البعد ولا مسرور
بكتني عينك اليمنى وناحت عينك اليسرى