يوم العواصف خلّت الروح شرْدا
شفتك علاجٍ للجروح العطايب
لك خطوتي تنساق رغبه وعمْدا
في دربك اللي صار (درب الحبايب)
يا نعمة الله يوم الايام جرْدا
علقت بك قلبٍ عن الناس طايب
عمرٍ جديدٍ في لياليك يبْدا
برده سلامٍ عقب ريح ولهايب
مدري شقوله لك او ويش يِهْدا
الانسان ما يقدر يجازي السحايب
الروح ماغيرك من الناس تنْدا
ولا كبتها غير لا صرت غايب
هذي عيوني وانت اختار .. احْدى
تشوفك الفرحه والأخرى وهايب ..