لا والله الا
فراقها ماهو بخير
يامن تقول فراقها عنْك خيره
النفس صايبها من البعد تأثير
وخايف تلاحظها عيون العشيره
مبطي وانا خايف تجور المقادير
واليوم جارت والليالي عسيره
راحت وخلت كل حشمه وتقدير
هذي سوات اهل النفوس السفيره
وش حيلتي لا جا منبه وتذكير
على زمانٍ جعل ربي يجيره
اشتاق له شوق البدو للمغاتير
اليا ابعدو عن بدو شبه الجزيره
في ديرةٍ ماهم عليها مسايير
مرواحهم يمها لأمورٍ كثيره
مير البقى فوجيه ربعٍ مناعير
ربعٍ على كسر الليالي جبيره
مافيهم اللي عارفٍ حالتي ، مير
اسج معهم عن زمان وهجيره
الله يعين اليا ابعدتها مشاوير
والله يجعل حالتي في ستيره
ولا تقول اليا جفت وشهو يصير
مافيه نفس تْحب من غير غيره
بدر_مطلق