يا وقت جيتك هَمّ يحبس يديني
جيتك حكاية حبرها ذل وجْروح
جيتك مهاجر والعنا يحتريني
غريب وأرجي موطن ل غربة الروح
شفني على حطّة مواجع سنيني
شفني على باب المعاناة مطروح
الصدر يرزح تحت رحمة أنيني
والقلب مرجل من لظى أحزاني يْفوح
الحلم ما عادت تطوله يميني
سراب من كفّ المقادير مسفوح
هذا الفرح تايه عجِز يهتديني
تعبت أراقب برقه ف كوني يْلوح
يا ليل ما غيرك حضن يحتويني
ينصت ل آهاتي على صدره أنوح
وكم صاحبٍ ظنّيته إنّه عَويني
راح وْتركني مثل ما غيره يْروح
يا وقت ضاقت كل وجهة ب عيني
شفني على مَركى القهر أعزف النوح