يا بوي ذخّر بندقك لِ العمر بي
والله لو مالت عقل ما أميّل .!
شفني كبرت وضحكتي باقيه هي
ما عكّها الحظ الردي يوم نيّل
كم لي ألمّ احلام في رعشة يْدي
وانفض غبار الياس عن كُم عيّل
ما قلت: يا ربي أنا حظي شوي
لا طاح من عيني بُكا لو قليّل
والشعر دنق لي كذا و ارتقى لي
حتى تمكن ف ارض فكري وقيّل
والهمّ ما شيّب براسي ولا شي
شيبت في راسه وانا اقول : ليّل
لا يشغلك بالك عليّه وانا حي
أشعلت صوتي ف المشاعر و هيّل
أنحف من الأغصان واكثر أنا في
واطول من انفاس الطريق و تخيُّل
واصعب من احساس الأماكن بلا أي
روحٍ تعيش بْها، وطيفٍ يسيّل
لا يقهرك لو مت ضامي و ه المي
في كاس ناسٍ ما تمد الجميّل
لو طقت اعيش وحارم احبابي الضي
ما طقت اشوف اعداي تُجرح واميّل