حزين وشيّ في نفسي يقول ان لي أحد قد غاب
ي ربي مين غايب لي؟! أبعرف مين غيّابي؟!
عشان افهم طفل هذا الحنين لمين؟! والمحراب؟ّ!
لمن تدلي ظلال بفيّها؟! والشمس ف اهدابي
مشاعر تاخذ (ا) شفاهي من الضحكه وقبل ارتاب
تشكّل بؤس من فمي، وييبس ورد بكتابي
بحر نظرة عيوني ف: الشفق، والنورسين اغراب
وترجع أمهات الملح للشطآن باسهابي
إلى هالحد ما عندي حياه، ولا متون اصحاب
عشان إن طاح جمّال الأمل تركي له اصحابي
وحيد اشبه شعور الغربه الخرسا م بين الباب
وبين " آخر زياره " نقشها للحين ف اعتابي
أغنّي عن نحيب الناي حزنه لين ماينساب
شعوري للبكا دمعه، وادوّر ظلّ لثيابي.!
ياليت اقرا عيون الناس يا سلمى واحسب حساب
عواقب طيحتي منها قبل لا يغدوا أحبابي
وانا المهموم من نصف الشعور وقِلة الترحاب
وانا اللي غاب عن كل القلوب، بداعي اسبابي
تكبّرني ظروف، وكلما صوتي ف صمتي شاب
كتبت الشعر للمنفى، ورحت اهيم ف اسرابي