خُيّل لبعض الناس يا صاحبي شي
إنّ السُحب عصفور واصابعي ريش
حتّى نبَت في دفتري ه الشعر حي
واسرفت تأويله ولا شفت به عيش
جيتك تعب في هيئة انسان للفَي
وارتاح جُهدي بين حائط وتهميش
سرحان خمّن وانفث الليل يا خَي
جده ف حالة سُكر تحكيك عن ويش؟
سرحان تكفا لا طلبتك سبب عَي
وانفِض خشاش الهم عن ضيق هالخيش
طفران لين الهم ! لَنْ ما معي ضي
مخنوق كثر المعمعه لا تِقِل ليش ؟!
مَلّيت امُرّ البال في ذاكرة: (مَي)
واشعر بطعم الجوع في فمّ درويش
شِف هالرصيف النيّ في شارع الحي
والعابرين اطلال ، واحيان تشويش
خلّك من الإحساس يا صاحبي بِي
ودّي أحسّ انّي بلا قلب واطيش
أملا فراغ الكون ثمّ اشعل ايدي
عند الكتابة لا امتليت بْخرابيش
يمكن أكِنّ الضيق وازفر كذا أي.!
ريحٍ حزينه تعوي بْصدر هالعيش
محتاج اقول: انّ البحر مغترب زي
حلمٍ دعيته طفل وتعبت تطنيش