بازٍ بعد قرناس للحر شاهين
والصيد في يدي وانا ابه أماري
عبرت قفر الصيد لعيون غالين
وبعيون خلي كل حدٍ أباري
لا هانت الدنيا ولا ضاق بي دين
وانتي على يمناي وراحت يساري
يا دانة الدنيا ويا نفت التين
ويا أقحوان وفل نسمٍ يغاري
يا نفحة الأرطا ويا رفت العين
يا كل من لي في حياتي وداري
يممت درب الصيد والناس دارين
والموحشات الشم درب انحداري
سجيت في غفوة وعديت سارين
والنجم لي أتليه عدى مساري
يا صحوت النايم بعد غيبة سنين
راح الأمل عدى حدود المداري
راح الأمل ذايب مع دمعت العين
والحب مثل الناس بايع وشاري
عودت مع شوقي دخليك وتكفين
يا راحتي يمناي روَّح نهاري
يرضيك سِيدْ الصيد يصفق بكفين
وجناح طيرة طاويات الصحاري
يضفي على دربه عقابٍ وشاهين
والطير طيرة وبطيوره يماري