لا تمسحي جرحك على خشم رجال
وتسافري ما بين قلبه وعينه
وتصيري أنتي الجرح والجرح بطال
لصار بين الناس قبضة يمينه
وتصير هرجاتٍ على قالت وقال
والناس ما ترحم ولو زاد زينه
كفي عيونك ورفعي نصبة الحال
والحال لي نرجيه طلق حنينه
أرسمك في صحراء على لوحة اللال
وقصيك ف العالي عن اللي تبينه
نظرة غريبة فيك من يرخص المال
وانك مداد الأرض وثمرة سنينه
أذكرك لامني رأيتك مع الشال
وأذكر مع الأيام زفة أنينة
ما هي غريبة موت حظي مع الفال
واليوم تتجدد جروح المدينة
مدري جروح بدور هي ليلها طال
وألا جروح الأمس تبكي حزينة
وألا اْمسحي جرحك على ثوب خيال
إن كان يحملها على نور عينه