اتعلمنا زمان فى المدارس

اتعلمنا زمان فى المدارس

اللى يتعلم غير اللى يمارس

الناس اللى ب تعيش بكرامة

لاتسرق ولاتنهب ولا توالس

الكدب فُجر وأتحرم فى ديننا

لا هوا مسموح لينا ولا لغيرنا

كدِبْناَ روحنا واختارنلنا رئيس

كدب ْ وهو ولى أمرنا وكدّبنا

لو قلنا من الدنيادى تعبنا

تغضب علينا الدنيا وتلاعبنا

وممكن تبلينا بحاكم تافه

يعيّب علينا لو قلناله تعبنا

الثورة ليه يرويها دم

وليه الناس تعيش فى غم

وشباب بلدنا هما الأهم

استشهدوا وفاتولنا الجرح مايتلم

طلق الرصاص فى ودانى

ما أعرف منين جانى

ونا شايل نعش الشهيد

وفرد الأمن ضربنى وماحمانى

شفت الجموع الغفير دايرة

بقلب فى وش الظلم ثايرة

طالبه تغير وطالبه العدل

مالقيت إلا الغدر والجروح فايرة

أنا بأعتذر لكونى أنا المسلم

وأعتذار نيابة عن كل مسلم

آمن برب القدرة والعزة

من أبليس اتسمى غلط مسلم .

عشت اللى أحلك من الضلمة

وشفت العدل من ناس ظالمة

لاهما مسلمين ولا موحدين

الحق بإيديهم ينور الضلمة .

بأدعى رب القدرة فى سجودى

ياكل الأيام المرة ماتعودى

ولا ينكسر إنسان فى بلادى

لا يشتريه قطرى ولا سعودى .