أنت حاكم ولا جاسوس
ولا من مس الشيطان ملموس
اتلايمت على مفتاح المغارة .. وبقدارة
بتفرق على عصابتك القديمة الجديدة
المحظورة اللئيمة كل الغنيمة
من سجون مصر خدت العزيمة؟!!
ومن خيبتك رايح بجماعتك للهزيمة
ومش أى هزيمة .. دى آخر هزيمة
ومن بعدها مش هاتشوفولها ضى
بكرة اللى جاى يأكد كلامى
وأنا مش صدامى . . ولا شعبك يا مصر أنهزامى
ماكانش إلزامى تنفرض علينا
وأواعاك تصدق مجيك بأدينا
وأوعاك تصدق إننا قابلين ..
أحنا اللى أجرمنا فى اللى لينا
وأصبحنا فى كل حقوقنا مجرمين
محناش مستغربين ضياع الغنيمة
لما سرقتوا ثورتنا العظيمة
الطبع غلاب فى أولاد اللئيمة
كدابين والكدب خاين وخان الحقيقة
والحقيقة الفوضى عمت .. وأدى مُر الحقيقة
ياخسارة شبابنا البريئة والدم اللى راح ع الحدود
والموث اللى بلا تمن بتوزعوه على ولاد الوطن
البشاير من وجودكم ماعادلهاش ضى
كفرتونا فى إيماناتنا وخونتونا لو عارضنا
جوعتونا وضيعتونا ومن أفعالكم مرضنا
وألف خسارة على حلم الجدود
بس أنا موجود
وحلمنا بالثورة ممدود
ياآفاقين وخاينين العهود
شعبنا واعى ومش محدود
هايكسر الأغلال ويفك القيود
ويعلن للعالم بأن الشعب موجود