ياللى انت جى بالخراب
والإنقلاب والإكتئاب
والضنك والويل والشقى
الشعب شبعان م العذاب
ومن كتر خوفه
خش تانى الشرنقه
وكل اما تضرب ينزوى
من نار جنونك يكتوى
وليس السميع كمن رأى
عملت ميت مليون قانون
يحمى اللى يضرب ف العيون
واللى يفكر يعترض
يلزم رقبته المشنقه
عايز أقولك سبت مين
الكل عاش ضنك السنين
والكل جوه المحرقه
الناس بتصرخ م الغلاء
من وش أمك ده الوباء
يا عم كان أملى أعيش
إن شالله حتى أطفحها عيش
ولا يوم يا ناس يحكمنى جيش
إنتم يا ناس بتحرموش
قولولو كفايه تعبانين
كفرتنا كفر السنين
لا نور لقينا ولا حنين
بقولك ايه ما تغور بقى