ما بين الحياه والموت
فيه ظلم وسلب حقوق
وفيه فض وسببه خازوق
وفيه طغيان وفيه جبروت
مابين الحياه والموت
كان فيه ميدان وكبير
وعصيان للى سرقوا البير
وقايمين ع العباد تهجير
ومسئول القرار هلفوت
مابين الحياه والموت
صوت عالى وبرضو سكوت
حقوق ضايعه وظلم كتير
وميت مقتول وميت تبرير
وميت فتنة تزيل ملكوت
مابين الحياه والموت
ميت دلدول وعالى الراس
وميت مسحول وميت منداس
ولو عايز تعيش هتموت
مابين الحياه والموت
أكيد هتموت..أكيد هتموت
سواء رايح تزور الناس
أو رايح تجيب القوت