يا زمانٍ جَل به خيره
والسخط في قبلته بادي
أشتهر في وقت تقصيره
مغتنم من رؤس لأيوادي
ما تقدرني تفاسيره
لن ضويت بغير ميعادي
وإن زهم بي في بناديره
شل مني غاية مرادي
أطلبك يا ربي الخيره
واسع الرحمه ولرشادي
عبدك المظلوم في حيره
من سهام الجار لمعادي
يوم أرمى قوس تعبيره
لين صوب لب لفوادي
يَ يعاديني عقب غيره
وآنا أشوفه حسبة اسنادي
ما تهلّي بي تباشيره
ولا يروف بحقي العادي
كل يوم يزيد تشهيره
دون زله مني وكادي
آآه يا جار الدنا صغيره
ما تلحّق مضغت الزادي
لين تغفي واسع السيره
وسط قبرٍ ضمه الوادي
واتغدي مكتوف بالحيره
حين تلقى رب لعبادي..
وين حقه طالب الجيره؟!
والوصايا شبه لوتادي