دار الزمان وهيدّ القلب ذكراه
واتذكرت نفسي حنين احبابها
يومن تعاهدنا على الود نرضاه
في ليلةٍ طل القمر لأصحابها
راح الزمان وبدل الود مجراه
واتبدلت دنيا تعين اقرابها
سلام من قلبي كثيرٍ تمناه
لأهل الشعر مني خضبت اكتابها
بالفل والريحان ل أقبل محياه
وبالعود والعنبر مزجت ارحابها
قاصد لزيمي شاعرٍ شابه الياه
ولاّ الثريا اللي زهى مسحابها
شفت الأسيرة عانقت صاحب الجاه
وعند العوايد ما لمحت أهدابها
هاضت قوافي فالبلد تعتلي آآآه
وتشّل شله طايله بارقابها
أشوفها ساحت جدى فرخ الحداه
يتقاتلوا عشره في خلود أجنابها!!