ما حسبت الكون قاسي يمتهن لوي الذراع

ما حسبت الكون قاسي،، يِمتهن لَوي الذِراع

و لا هقيت ان القساوة تدهس احلام الصغيره

لا ولا عدا بذهني مركبٍ،، ناقص شراع

بين موج البحر امسى حسبته حسبة بحيره

غاص واللجه تدمر من امانيه،، اليراع

فتتت اغصان عمره وارخصت كل الذخيره

ما تبي هالحلم يِكمل يحمل افواه الجياع

ضفةٍ بالخير كله،، تنظر احلام ٍ صغيره

يا صغيره ودعيهم ما لنا في الكون باع

اتركيهم ودعيهم كل انسان وضميره

ما لنا فيهم حسافة كل شي اليوم ضاع

اتركي عنك نداهم ما لنا في القومسيره

من سمعنا ما سمعنا ما لهم بالاستماع

راح وقتٍ لا ندهنا هاجت الدنيا الكبيره

لجلٍ همٍ يبعدونه قبل ما تلفي الضباع

كلهم فدوه لعينك ينقذون المستجيره

عزِ أول وانتهى وانقضى عهد السباع

و ابتدى عنده زمان المهزله حقبه مثيره

ما حسبت الكون قاسي،، يِمتهن لَوي الذِراع

و لا هقيت ان القساوة تدهس احلام الصغيره