بِسمْ الله بْدِيتْ وْ صْلاَةْ الرّسُولْ
وْمَحْلَى ذِكْرْ اللهْ وْآيَاتْ القُرْآنْ
واللِّي حَبْ اللهْ يصَلِّي عْلَى الرَّسُولْ
وْاللِّي صَلَّى عْلِيهْ فِي جَنَّةْ عَدْنَانْ
بِصْلَاتُو مَعْرُوفْ فِي كْلَامْ المَعْقُولْ
وْيَقْهَرْ هُولْ النَّفْسْ وْافْعَالْ الشَّيْطَانْ
وْانْشَا اللهْ يَارَبِ يكُونْ عَمْلِي مَقْبُولْ
فِي قَلْبِي مَسْكُونْ حُبَّكْ يَا رَحْمَانْ
يَا سَامِعْ لَكْلَامْ اسْمَعْ وَاشْ نْقُولْ
ذِكْرْ اللهْ خْفِيفْ مَا يُصْعُبْ فِي لْسَانْ
عَلَى قَدْ مَا نَبْتَتْ هَا الأَرْضْ سْبُولْ
نُورْ اللهْ كْبِيرْ مَا يحَدُو مِيزَانْ
طَلَبْتَكْ يَا رَبِّي وْ نَا صُوتِي مَذْلُولْ
نْزُورْ الكَعْبَةْ نْطُوفْهَا وْقَلْبِي يَطْمَانْ
ولَا تَحْرَمْنِي يَارَبِّ مِنْ قَبَرْ الرَّسُولْ
وشَرْبَةْ مِنْ مَاهْ تَرْوِينِي عَطْشَانْ
خَلِّينِي نَرْتَاحْ وْ نْخَفِفْ لَحْمُولْ
واغْفِرْلِي فِي الذَّنبْ ثَقِلّي المِيزَانْ
واللِّي خَافْ اللهْ مَا قَالُوا مَهْبُولْ
وبذِكْرَكْ يَا عَظِيمْ واللهْ مَا نَنْهَانْ