بَص وقال لي.. وهو بيضحك
وبياكل قشرة بطيخ:
انت ازيك؟..
قلت: انا زيك
قال: تتعدل
يمكن بكرة الحال يتبدل
قول لي يا حضرة
هو الأتوبيس لسه ما جاش؟
دانا مستني بقالي زمان
قلت: يا سيد.. أتوبيس كااااام؟!!
قال: بيقولوا تلاتين ستة
قلت له: عدى
شاور.. بس بنظرة حزينة
شايف القبة اللي هناااااك ديّا؟!!
كنت مفكّر يوم كدا زيك
إن القبة دي تحتها شيخ.
فاتني.. وراح..
... واهو لسه بيضحك!!
وانا مستني!!
ييجي الأتوبيس!!!
أصل انا.. حاجز للمريخ