جاني يسأل، كيف حالي في غيابه
أحمد الله والله العالِم بحالي
ما كأن قلبي تركته عند بابه
و الزمن وقّف وأنا واقف لحالي
وش يبي منّي! وش اللي صدق جابه!
الصُدَف! وإلا الندم طول الليالي!
ما بقى فيني شبر يقوى عذابه
كلّ شيء ينزف ألم .. حتى ظلالي!
آه يا كثر الخطاوي لاجتنابه
و للأسف طيفه بحلّي وارتحالي
إن ظهر أضعف وتخذلني المهابة
و ليلة الفرقا تعوِّد في خيالي
كنت بصرخ واشتكي حضرة جنابه
مير قلت أني بشوفه طاب فالي!
البلا يسأل ويدري بالإجابة
صاحبٍ غالي وجرحي منْه غالي