مافيش أى حاجة...
تنقرش حروفك وتفرد مشاعرك
وتنبض كفوفك بهمسك وشعرك
وتشعر ساعتها بانك هولامى
وان اللى باقى
مافيش اى حاجة...
مافيش اى حاجة هاتثبت كلامك
ولاحتى صدقك هايسبق سلامك
تعافر تسافر ولاحتى تفرق
تنادى اللى غابوا
وتمشى ف دروب اللى كفروا وتابوا
وترجع ساعتها وتعرف حقيقتك
مافيش اى حاجة...
مافيش اى حاجة لحلمك وحلمى
دا شغل الليالى الصعيبة ياصاحبى
وشغل السهر ف انشغال المصالح
ولو كنت صالح ف وسط الابالسة
لاتعرف تهادن ولايوم تصالح
مافيش اى حاجة