على قبر أبويا
كل البيبان مقفولة بالضبة
وانت براحك للى جاى بيزيد
واهو كل يوم بيزيد كمان حبة
وتمالى جايلك ومكسر المواعيد
على قبر ابويا
وقفت ياما كتير
وبكيت بدمى مش دموع نازلة
جى اعترف يابويا بالتقصير
بينى وبين الحقايق اسوار لكين عازلة
وانا اللى باهتف للحياة وباعيد
على قبر ابويا
طوحت حملى من كتاف مالت
طوحت همى والهموم قنطار
وزرعت زرعى والدراع شالت
طلع الحصاد مسموم
من بوم يهاجر والضمير محتار
والفرح دايما باين لكنه بعيد
على قبر ابويا