لايهمك القول الردى ولاغلطة من ناسك
لمى اللى راح للصلاه ان شالله كان ناسك
ضمى الجناح واحلمى بالعودة من تانى
تلقى القلوب تضمنك وعيوننا وناسك
ياقدس واحنا الظلما ووجدنا عوداك
باع الاراضى هبا وشنقنا عوادك
كل اللى حب الغنا دندن وقال اسمك
لابد يوم ننتفض ونعود لامجادك
كل السلاح من كفوف والرمى بحجارة
من كل ناحية جم وف كل بيت حارة
الكلب عامل قرار لكلاب بتدبحنا
دوسى وخطى المحن لوحتى ميت غارة
قيدوا الشموع ف الكنايس ويا ادان العصر
كل العلام من مخيم لادار ولامن قصر
ناكل عدوك ووننحت ف التاريخ تانى
نكتب تاريخ الوطن ويجيلنا يوم النصر