ابعتذر وان كان منّك هالخطا
قلبي نساك ولا يبي منّك عذر
وبعتذر ما كان بيدي اللي مضى
كل الأمل عوّد بلا حيل و صبر
يا ما عطيت ولا لقيت اللي عطى
عسى الله يجزيني على هجرك اجر
سنتين وجروحي ترا ستر غطى
وان جيت أبديها انا اكتبها شعر
والعطر ب اوراقي ولي يجر الخطى
كل ما نويت انسى يذكرني العطر
لا تحسب اني جيت وادري انّي فضا
جيتك على انّي نجم وطموحي قمر.
شكراً على هجرك انا كلّي رضا
خليتني عبره عسى انّي اعتبر
شكراً على المكتوب وشكراً للقضا
ما فات شي ولا يجينا الا قدر