الجرح ساعة والليالي مديده
تطري عليك الجرح وانتَ تصبّر
ذكرى وداعه ياهي ذكرى عنيده
ودي أنا انساها وهي ما اتذكّر
شوقي تأخر ما وصل في بريده
مدري اذا مهمل او انه تعذّر
اقفل هموم الامس وافتح جديده
ويعود جرحي اللي حسبته تسكّر
خالي مكانه واشهد انه فقيده
حتى المباني في بعاده اتأثّر
بس الامل باقي ونفسي سعيده
وان كان تسأل، خاطري ما تكدّر
الهم بالدنيا شطر من قصيدة
اما القصيده فرحةٍ لك تقدّر
هذي عناوين العتب بالجريده
وموجز اخباري ترا الشوق اكبر