بالطف صول العباس
صولة على الماصوفه
سل سيفه وصرخ بيها
او كور عسكر الكوفه
كور كل رواياها
وعملت بدر راواها
جدسها وناه منواها
وبالمذهب مناياها
تموج الخيل خلاها
وغوجه يخوض بدماها
الملازم والزلم والخيل
طواها على المردوفه
شبل المرتضى الكرار
صول على الخيل أو غار
مشهر صارمه البتار
سم يكطر او يلهب نار
بالطف حارب الكفار
حرب الماجره اولاصار
ابدك الرمك ثار اغبار
منه الشمس مكسوفه
وصلت للنخيله الخيل
او نشبها الوجل والوبل
سوه نهارها جالليل
والدم اعظم من السيل
سيفه عن بريج اسهيل
صوته الرعد بصرخ حيل
عر كلها وسلب كل حيل
ومن الخوف مخطوفه