كل عيون الكون تغرق .. في عيونك كيف م اغرق.!؟
والله أني ابلا شعورٍ .. كان م اغرق في عيونك
والله أنه في عيونك .. نظرةٍ تومض وتبرق
لو أجيلك لين بابك .. من يلوم اللي يجونك؟
يا عيونٍ عن عيون الغيد .. أي والله تفرق
كيف تصبح هالحياااه .. إن عانق جنوني جنونك.؟
يوم صوتك كل ماله .. من حياتي صار يسرق
لو قدرته سحر صوتك .. ما قدرته زيزفونك
والله أن الشوق لجلك.. في عروقي جرح يحرق
والله أن الروح فيني .. لو تخونك ما تخونك
والله اني كل بحرٍ .. من بحور الشعر أبطرق
لأجل ابكتب عن حلاك .. وسكر الشعر وفنونك
في جديلك: شمس تغرب .. في جبينك: شمس تشرق
يعني مالك من يشابه .. كل بنات الكون دونك
هو صحيح القلب والله .. في غرامك صار يغرق
بس والله عمري م اغرق .. دام أبغرق في عيونك