يوم شفت البرد بضلوعك جفا
قلت اضمك عن شتا بُعدي واجيك
كل ضلعٍ فيك .. صوّت لي : دفا
كيف ماجيلك واضمك واحتويك؟!
واغرس ضلوعك وسط صدري وفا
وأنت تدري مالك بصدري شريك
عمر حبّك في خفوقي ما طفا
كلّ نبضه فيه تنبض لك أبيك
والوله ما يوم في قلبي غفا
والله إني ميّتٍ منّك وفيك
قلت أسامح يجزي الله من عفا
واسأل الله إنه لقلبي يهديك
يمكن إنه خاطري منّك صفا
أو يجوز إنه بقى شايل عليك
بس شفت البرد بضلوعك جفا
قلت أضمك عن شتا بُعدي واجيك