بنتٍ حلاها غير ، و إحساسها غير:
"بنت الدلال "، "المترفه" يا حلاها
إن جيت أبوصفها تخون التعابير:
" فتنه " وربي من المزايا عطاها
ضحكاتها تشرح صدور المعاسير
وشفاتها جمرٍ أذوب بدفاها
والصوت آه الصوت موت المناعير
متفرّدة هالبنت حتى بحياها
من شفتها و القلب جته التباشير
كن الليال اليوم أبدت رضاها
ما كنت ناوي في المحبة مشاوير
لحظة جنون وجن قلبي معاها
وش عاد أسوي و المحبّة مقادير
وقدّر علي الله أعشق هواها
جادل لها بالقلب حشمة و تقدير
والعشق زوّد في خفوقي غلاها
من قبلها و القلب جرح ومخاسير
واليوم قلبي يستطب بدواها
الفاتن اللي غير كل الغنادير
" فتنة " و خايف يوم فتنة لقاها
بنتٍ حلاها غير ، و إحساسها غير:
"بنت الدلال "، "المترفه" يا حلاها