أحسنت فيك الظن لا تخذليني
واشوف بعدك صدق الارواح غربه
دامك عميقة في خفوقي وعيني
ودّي أشوفك طول الأيام ذربه
لن ان فقدتي يوم دربٍ يجيني
صعبه خفوقي يوم تلقين دربه
وكانك رحلتي من جنوني خذيني
مقدر أعيشك باقي العمر كُربه
أجيك أدورني وإلى قلت: ويني؟!
كنّي بصدري انطعن ب ألف حربه
واليا سألتيني .. حبيبي تبيني؟
أقول قلبي : من سواك يحضر به؟!
والله بصدري من زمن تسكنيني
وطيفك توّسد هدب عيني وسهر به
الروح تحلم تقضب ايدك يديني
والقلب لجلك طيّر اشواق سربه
في غيبتك ياما نثرته حنيني
وشوقي كتبته حرف محدٍ شعربه
لنّي حفظته بين قلبي وبيني
ولنّي أعيش العمر "شاعر بغربه"
غبتي و غبتي .. وانكتب تلتقيني
أنا قدرك اللي حياتك تمر به
يعني بعد هاليوم لا تقطعيني
يا تعسه اللي لقى حب وكفر به