من جلبك الله يالحظ الجميل

من جلبك الله يالحظ الجميل :

عن جميع الغيد شفتك "فارقه"

ومن زرعك الله في "صدري نخيل":

شامخة يا روح روحي شارقه

ولو تهّب الريح غصنك ما يميل:

أنتي اللي للخفوق البارقه

شاعرة والشعر في بدعك جزيل

تبدعينه يوم غيرك سارقه

لو أدوّر وين بلقالك مثيل :

ما أبالغ لو أشوفك خارقه

ومن خذاك الوقت والحظ البخيل:

كل لحظة في غيابك حارقه

لا تخليني على جمر المليل :

انتظارك شّي صعب أطارقه

خافقي والله مجنون وعليل:

يوم روحي في غرامك غارقه

وان تجيني سعدنا كان الحصيل:

يا غصونٍ في عروقي وارقه

للعمر تبقين في صدري نخيل:

باسقه يا روح روحي فارقه