غمض عيونك ونام

غمض عيونك ونام .. وخلّه إحساسك ينام .. عادتك قبلي تنام ..

وإن قلت لك ماهو حرام : تهمل شعوري وتنام ..

صدّق أنت و روح نام.

وينك و وين الغرام .؟!

وينك و وين الغرام .؟!

مو جديدة :

تاقف أنفاسي بصدري .. وأنت تدري ..

مو جديدة:

أزفر أنفاسي بصبري .. وأنت عذري

وجايني تبغى تنام .. كل أحاسيسك نيام ..

صدّق أنت و روح نام ..

وينك و وين الغرام ؟!

وينك و وين الغرام ؟!

خلني للضيق والحزن وعناي :

والسهر والهم والليل الطويل

والجفا والبرد والشوق وبكاي :

والشقا والجرح والصبر الجميل

وكل هذا مو حرام ؟! لا سؤال ولا اهتمام

صدّق أنت و روح نام ..

وينك و وين الغرام ؟!

وينك و وين الغرام؟!