بنيّتي
أنتِ يا نور العيون ..
كيف ماغليك بجنون.!؟
و زينة الدنيا البنون ...
بنيّتي
والله أني لأجلك أسهر ..
و أنتِ أطهر
و أنتِ أكبر
ما عطاني الله .. يا طعم الحياة..
بنيّتي
مابي أشوفك تزعلين ..
و تشتكين
و تحزنين
ودي دايم تضحكين ...
بنيّتي
البراءة في عيونك ..
والطهارة في شجونك
حرام هالدنيا تخونك
و أنتِ وردة ياسمين ...
بنيّتي
ياجمال الكون في عيني
يوم أشيلك في يديني
وَ أنتِ تناديني " يُبه "
وبسمتك تملا شفاتك ..
يا حلاتك
يا غلاتك ..
بنيّتي
يا كثر ما احلم أشوفك
قدام عيني تكبرين
و تلعبين
و تركضين ...
بنيّتي
ودي أشوفك تدرسين
تكتبين .. و ترسمين
وفي الصباح أقرأ عليك
آية الكرسي ... وأبيك
قُبلة قبل تغادرين
وقبلة حين تعاودين ...
بنيّتي
ودي أشوفك تكبرين
و تكبرين ..
لين ما شوفك عروس
لابسه ثوب الزفاف
و البراءة
و الطهارة
و العفاف ..
و يكتمل حلمي بعيني
يوم أشوفك تحضنينه
طفلك اللي تحلمينه ...
بنيّتي
أنتي يا نور العيون
كيف ماغليك بجنون
وزينة الدنيا البنون
وزينة الدنيا البنون
وزينة الدنيا البنون