تقول: شاعر عذب، مبدع و راقي
راقي حروف ، وبعد راقي تعامل
أشوف فيك أشيا تفوق اختلاقي
كامل وغير الله .. لا شيء كامل
من بحر تغرف ، ماتجي للسواقي
اتصب شعرك من نهر فكر صامل
حتى خفوقك صعب معه التلاقي
عجزن بقلبك فاتنات الأنامل
دايم أمارس بالقصيد استراقي
وانهل قصيدٍ مع دروبك تزامل
وامنيتي ابشعرك أشوف انبثاقي
مابي قصيدٍ ف الدواوين هامل
قلت : آآه والله جفّت غصون ساقي
من زود ماني فوق نفسي أجامل
أحيان وآنا في محيط احتراقي
اتحامل بموقف يفوق التحامل
اتعب على اللي ما يبون افتراقي
حتى لو اني مُتعب شعور، خامل
آمالي العذبه ودرّ اشتياقي
اكون بعيون الجماهير شامل