كل صبحٍ به حضرتي .. في صباحاتي نديّه
وكل ليلٍ لا سهرتك .. تعشقه جنّة حروفي
وكل همسة حب ذابت .. في مسامعنا عذيّه
وكل ليلة حب مرّت .. كنتي انتي .. في كفوفي
وكل زهره من حديثك .. في عروق القلب حيّه
وكل حرفٍ من زمان الوصل .. أودعته بجوفي
ياعظيمة قلب لامن حب .. ما ينسى خويّه
يا حمامة روح لامن .. خانوا العشّاق توفي
ياعظيمة فكرٍ اسمى .. من الكثير .. من البريّه
يا بياضٍ لو كسى قلوب الخليقه .. مات خوفي
يافريده لا بدعتي .. من الحروف الأبجديّه:
تدهشيني مثل غيري .. وارتبك واقول : روفي
يا قليله بين جيلك .. يا كثيره في يديّه
ما يموت الحلم لكن .. ظرفك معاند ظروفي!
بس احبك .. من زمان الحب .. لا يوم المنيّه
ولين قالوا لك توفى .. مُرّي الذّكرى وشوفي