وسط كل الذكريات هيفضل شايل احلى ذكرى

وسط كل الذكريات هيفضل شايل احلى ذكرى...

من بين كراكيب دماغى وافكار كتير..

هيفضل هو احلى فكره...

من بين جميع البشريات...

هتفضل ديما احلى بشرى...

لما يقولو رمضان بكره...

من بين جميع الجمل هى جمله...

لما نسمعها بنشعر بالحنين...

من بين جميع الكلمات احلى كلمه...

تزغزغ فؤادى رمضان كريم...

رمضان كريم مش بس كلمه هيه حاله...

حاله عشنا كل تفاصيلها في الشوارع...

المتزينه باوراق كتبى القديمه...

رمضان كريم وله روايح...

بيشمها بس كل اللى لسه فطرتهم سليمه...

زى امى وزى ابويا وجدتى وكمان جيرانا الطيبين...

رمضان فى بلدى الكل صايم مسلمين ومسحيين...

رمضان كريم وأسأل عنه كل اللى تابو...

متمسكين برحمة ربنا...

وبيستعيذو من عزابه...

الحق واركب زيهم...

واتعلق فى كنفه وف جنابه...

واحمد واشكر نعمته اسلامنا نعمه...

واقراء ولو ايه واحده من كتابه...

رمضان بيحلى بالعزايم...

وعلى طبليه واحده كلنا متجمعين...

رمضان كريم ويارب عوده...علينا...

واقبله منا بفضلك ولا تحرمنا ابدا وجوده...

وملى بقرأنك عنينا...

وبلغنا ليلة قدره واقبل دعانا...

رمضان كريم والله أكرم قادر يبلغنا منانا...