ابعد من الشعر وابعد من حدود الكلام
لحظة يسيل الكحل من محجر عيونها
لحظة تدلى نجفها، والهواجس حمام
رفرف على الدار صبح وحط بركونها
صلاة ربي على وجه النبي والسلام
على شجرها المريف وفيّة غصونها
يا نجمةٍ تحت شفتها دفنها الظلام
خجلت من الضي فيها وانطفى لونها
واينع رطبها وسال الشوق برد وسلام
لين اثقلت كربة النخلة وعرجونها
وتبسمت لين سوَت للخفوق انقسام
وتقسمت فالعروق وباح مكنونها
وابرق تحت شالها الداكن رفيف الغمام
لين امطرت قلب عاشقها ومجنونها