ما علي ان كان ودتك الأغاني
لين مليتي وضايقني شعورك
ما بعيشك لو زعلت إنسان ثاني
ساحلي رمشك وهذا الحب سورك
ودي اشعر من غلاك إني أناني
وأشعر إني عشت معجب في غرورك
واحترق لرضاك في برد الثواني
ب انتظارٍ ما يجيب إلا حضورك
الحضور اللي من الياس احتواني
والمكان اللي تعطّر من حبورك
يوم جيتي بين أصابعك المعاني
معشبة، والنحل يشرق في زهورك
قلتي: وينك؟ قلت عند اللي خذاني
قلتي: منوّر، وقلت: النور نورك
وقلتي احلف لي.. معك ما عاد أعاني
وإلا أحلف وشو أنا في شعورك
وقلت: واللي نزّل السبع المثاني
الكريم اللي خلق للقلب شورك
انك اجمل شي عشته في زماني
وانك اجمل حزن شفته في سرورك
وعشت فيك اكثر
وصرت معك أوفى
ولا قدرت اسهر
ولا قدرت أغفى
اضحكي وازهر
افرحي واشفى
وانفي المهجر
واهجر المنفى
والسما تمطر
والرعد يقفى
والغلا يكبر
والزمن يصفى