ياصاحبي قل لي غيابك على ويش
زعلان والا السالفه شي ثاني!
يكفي ترى يكفي تغلي وتطنيش
ون كان ودك حط نفسك مكاني
ياكم تطنش بس مااقول لك ليش
ولااذكر اني قلت هذا جفاني
احسب حساب الحب والملح والعيش
واحسب حساب ايامنا والأماني
ياصاح لاينبت على راسك الريش
لاتغرك الدنياترى العمر فاني
اموت ماارخي هامتي للخفافيش
ولااسمح لمن هو بالذراع التواني
لاتحسب اني يالغضي مقدر اعيش
ولاتحسب اني بشتكي من زماني
هذي سلومي لاحشامقدر اطيش
ون ضاق صدري عالجته المحاني
علمني ابوي اتجاهل الضيق بشويش
وعلمني ابوي اصبر على اللي رماني
طبعي كذا واعشق حياة الدراويش
على الأقل اعرف زوايامكاني