يا سيدي ما عمر أحد قال لي قوم

يا سيدي ما عمر أحد قال لي قوم

انا من اللي من خياله يقومون

ترى الصقر ما يحسب حساب للبوم

وترى الكلاب الله يعزك يضيعون

ولاني من اللي يكثر الهرج واللوم

واثق ولا احسب هرج من هم يقولون

البط من صغره وهو يعرف العوم

والضبع ويا الذيب ما ينتساوون

نسل الكرام ولا يجي حولهم سوم

ما حسب كلام اللي يثرثر وهو دون

لانيب لا ظالم ولاني بمظلوم

ولاني على قولة هل الطيش مغبون

انا كتبت الشعر لشيوخ وقروم

ما اكتبه ابد للي من الناس يبكون

قلبي وهو قلبي من الصدق مختوم

شاعر قدير وبعض الأحيان مجنون