احبك ايه اناميت احبك واعشقك بجنان
احبك كثرماجاك القصيدوهزهزغصونك
اجي وارسمك في قلبي غلا كلك بدون الوان
وابالغ في رسم رمشك واغطي به على عيونك
ابرسم وجهك الخايف وازين ضحكة الأوجان
وبرسم حبك بقلبي واخليهم يشوفونك
ولامني عجزت ارسم رجعت وقلت ياقيفان
ابي ذيك القصيده اللي تجمل من يحبونك
بسويهالجل عينك واخليهابلاعنوان
بشوف اللي عرف قصدي واشوف اللي يعرفونك
بقول انك بحرحب ملاه اللول والمرجان
واقول الصدق كل الناس عندي مايساوونك
هلاباللي خذت عقلي وسوت في حشاي اوطان
هلابك يالعذاب اللي تعذب قلب مفتونك
هلاياللي واناجاهل كتبت اسمه على الجدران
هلاباللي ذبحني وقلت عون الله ولاعونك
هلاباللي سلب عقلي وشب الناربالوجدان
واناادعي وارتجي ربي وسط قلبي يخلونك
اجي ساعات واتخيل غرامك كنه البركان
واجي ساعات ودي اعرف هذاك السحربجفونك
متى ياحب ترجع لي ونرجع كننااخوان
واقول لعاذلي قم بس تعبت وخابت ظنونك
تعال اسرع وخذ قلب غدت به لوعة الحرمان
تراك ان جيت ون ماجيت احبك واعشق طعونك
قسم بالله لاسوي فيك قصه ماسمعهاإنسان
واخلي الناس تدري اني طفقت وصرت مجنونك