زلزل الإحساس قلبي جَرحه
مثل ما قالوا تِهزَنّي قلوب
تفتلك فتلات واتفِتِك رَحه
والرحه عن فت قلبي ما تتوب
حسنك وطيبك عسى الله يصلحه
في هواه الذرب كم جامد يذوب
والسهوم بعين،، لو هي تطرحه
اهلكت في حبها واجنت ذنوب
بددت امه خبر كيف اشرحه
وانسفت هالكون في اوج الغروب
ما نقول الا لنا بك مصلحه!!
لو نشمك عطر،، نشتاق الطيوب
والشعوب اللي تودك تربحه!!
قلبك الغالي ويا بخت الشعوب
دامها يمك وطيفك تلمحه!!
في ثنايا الدار يلتف ويجوب
آه يا قلبك عسى الله يصلحه
كيف من بعده نرد إله وننوب
او امد اليد وامسك مسبحه
والهوى رسخ بتجويفي طروب