يا كبر الندم يالعارض اللي نقرك الشيب
بوارق حياةٍ عشتها .. كنت متفاني
(بخفي حُنين) إستقبلتك الليالي غيب
وخلّتك في دوامة الوقت .. وحداني
على ضمّر آحلامك.. بدت رحلة التغريب
بقلبٍ يشيل اللي .. مثل لون الأكفاني
عظام ..(الظنون اللي تخاطفك شكّ وريب)
ظلام ..(السنين اللي خذت عمرك الفاني)
تشوفك عيون الناس مثل النصيب تصيب
لو إنك تشوف إنك على نفسك الجاني
على قدر طيبك وأنت منت بقليَّل طيب
ورى ما جزا جنس العمل فيك الإحساني
أدوّرك بين وجيه من يجهلون العيب
ولا أشوف لك من بينهم وجه ولساني
خضّم الحياة من التجاريب والتطبيب
ياكم قد خدم قبلك من طوال الأيماني
بعيدٍ عن الترغيب وأقرب إلى التثريب
(حنانيك بعض الشرّ أهون من الثاني)