إي والله أغليك يالغالي وقدرك كبير
أقسم ب (رب الملا) عانك ما حلّفتني
أخذت من فكري الشي الكثير الكثير
ومع كل طاري يمرّ البال صادفتني
قبلك تمّر الليالي والفلك يستدير
لا حسّ لا طعم .. ياليتك قبل شفتني
ما بين حوس المرير وبين سوء المصير
لو أقدر أوصف شعوري كان وصّفتني
حمّلت نفسي غثاً ما هوب والله يسير
يا كبر ظلمي لنفسي لو م أنصفتني
مبغى أذكر الماضي (الحاضر يبشّر بخير)
ولو جيت مستقبلي من دونك أتلفتني
شفني على كثر ما آغنّي ل صبحٍ ضرير
ولّفت لحن الخلود وفيه وآلفتني
وشفني على كثر ما كنت لهمومي آسير
ما كنك ألا من همومي .. ترّشفّتني
اي والله أغليك وأنت الاولي والآخير
أقسم ب (رب الملا) عانك ما حلّفتني