أنا أدري إنّي حريص ولا يوصّى حريص
المشكله (غلطة الشاطر تعدّ بعشر) ؟!!
في راسي المزدحم ماهيب زحمة خريص
أفكار ما كل ابوها صالحه للنشر
بعض الكلام المزكّى لو بخصته رخيص
ماهو كلام الإلٰه .. أقصد كلام البشر
الحكمه بصبر يوسف خل عنك القميص
من تسعة أعشار خلق الله يسدّك عشر
وشلون أعيف الأمل يوم إن ماله بصيص
وأنا بصيص الأمل في داخلي منتشر
من عيشوه البطوله في مسلسل غليص
ما يدري (إن أوهن الاعواد عود العشر)
محدٍ بخيصٍ ب أحد كلٍ بنفسه بخيص
والكل نفسٍ جزاها في نهار الحشر