وجودي على؟! وش يلحق الوجد وآوجداه
يا كثر الوجود اللي تداحم على بالي
على حلمي اللي ضاع والعمر في معداه
على فرصةٍ عيّت تحين ، وتهيّالي
على طول صبرٍ طاول الحال لين أرداه
على ضيقة الاحوال .. ولاّ على حالي
على منهجٍ واقع تصانيفه ومبداه
موّلٍ علينا عالمٍ مالها والي
على صاحبٍ أبدا الجفا والسبب ما أبداه
تكابرتها من صاحبي طيّب الفالي
على كل نورٍ غرّرّ الفكر ما قدّاه
على الصدق والتزييف ، والمرّ والحالي
وجودي على راع التوجّاد وش يحداه
جروحٍ تلظَّى فالحشا والله الوالي