يا من لقلبٍ .. بين لوعة وتغريب
ماله مع الحيّيّن .. خلٍّ منادم
يغوص في زحمات الايام ويغيب
ومن قلّة الحيلات يعود نادم
يشوف ف وجيه الليالي تراحيب
واللي وراها ف الظنون يتحادم
والظنّ يمكن يخطي الظنّ ويصيب
بس الاكيد اللي ورى الغيب قادم
لحدٍ يزكّي صاحبه بالتجاريب
قبل يعذر نفسه ليا صار عادم
بعض الحجّجّ ماتقنع الشكّ والريب
كود الحقايق بالشكوك إتصادم
خل الرحا تطحن حبوب الاصاحيب
مع الزمن .. لين العهود إتقادم
ثم اترك الباقي على وقتٍ صعيب
لا قامت كبار المصايب ترادم
تبي تكشّف لك جميع العذاريب
والوقت في فرز العلاقات خادم
الدايم الله والعبر بالعواقيب
ويمكن يكون اللي ورى الغيب صادم
حتى الفشق فيها رصاص مكاذيب
وهي فشق ؟!! ماهوب عاد الآوادم