جفّت بحور الشوق في جوف مغليك
من جورك وجور الزمان وجراحه
ضيقت صدر الحب وأقفّت خطاويك
وأقفت معاها فرحته وإنشراحه
بستانك اللي زارعٍ به هقاويك
قامت معاصير الجفا ب إكتساحه
ويبست غصونه من جفاك وتغلّيك
من عقب ما كانت ف الأنظار واحه
أزرع سنيني وصل وأحصد تجافيك
وأرواك همج .. وترتويني قراحه
ل الوصل .. ما خليت دربٍ يوديك
ألاّ تمثناه الجفا وإستباحه
كسّرت مجداف الغلا بين أياديك
واللي إنكسر يصعب علينا صلاحه
قدام تلّحِق أوّلاتك .. تواليك
وتزيد في موطن جروحك مساحه
آبرتشفني من عنا الوقت وأرويك
وآحثاك في وجه الفراق ورياحه
وآبتصبّر وأكتم الجرح وأخفيك
يا حزني اللي حط الأضلاع ساحه
وأبحتضن جمر المواجع وأورّيك
وشلون أضمٌ الهمّ ويصير راحه
ما عاد أبي شي ٍ يجيني بطاريك
كود إني أبغى من هناي إستراحه
حتى خفوقٍ فيه جرة مواطيك
دوكيه كوده معك ينعم براحه